2025 Ma Parchè?

Attività > Attività 2025

MA PARCHÈ?

Fiamme Verdi Dicembre 2025 di Fabio Dallò

Vista la bella amicizia che lega la sezione di Conegliano con la sezione Brasile, pubblichiamo questa poesia di Fabio Dallò, discendente di emigrati italiani in Brasile, capogruppo del Gruppo Santa Catarina, vicepresidente della Sezione Brasiliana.

Parchè go amor par ła me tera veneta, ła vera patria de i nostri veci, la Italia e la bandiera.

Parchè noialtri veneti gavemo coraio, onor e spirito de corpo.

Parchè un amigo in torno a ła toła ze na roba che no se spiega co łe parołe.

Parchè me fa ben smisiar łe man quando che parło.

Parchè un bel bicer de vin o na bira me fa contento e me ricorda de quei che no i ze pì tra de noialtri.

Parchè na feta de poenta co un toc de formajo ła me bastaria, pensandoghe a quei che in guera no gavea gnente da magnar.

Parchè cognoser łe me radise voi dir portar memoria e tradision.

Parchè posso contar la storia de la fameja ai me fiòi, cussì come i me noni i gavea contà a mi.

Parchè se te vardé ła faza del to amigo, te vedi ła felicità.Parchè te poi star lì sensa dover domandar gnente.

Parchè el nostro motto el resta: Beneficensa, Solidarieà e Carità.

Parchè mi son veneto ... e basta.

Mi son veneto, de'l grano forte, gnanca ła morte ła me fa tremar.